Skelkandi tunt grundarlag undir viðmælinum av koppseting til smábørn

15. juni var fundur hjá amerikanska matvøru og heiligvágsstýrinum, FDA (Food and Drug Administration), har var einmælt samtykt at góðkenna koppseting av børnum úr 6 mðr upp til 5 ár við mRNA koppingarevni.

Føroyskir læknar, heilsustarvsfólk og onnur við áhuga, og ikki minst tey, sum møguliga koma at taka støðu fyri ella ímóti slíkari koppseting her hjá okkum, kunnu fáa nærri innlit við at lesa brævið sum Robert F Kennedy Jr sendi FDA við viðmerkingum til góðkenningina.

Sí video við Dr. Claire Craig, har hon greiðir greitt frá nøkrum av trupulleikunum við góðkenningini.

Eingin av limunum, sum tóku lut í opna FDA fundinum, gjørdi vart við, at tveir mánaðar uppfylgingartíðarskeið er alt ov stutt til at gera niðurstøður um trygd, ei heldur var spurningur settur við tað, at mongdin av andevni (antibodies), varð brúkt sum mát fyri, um koppingin virkar. Tað finst ikki nøkur ávís mongd av andevni, sum verjir móti kovid, so hvussu kann hetta verða brúkt sum mát? Hjá smáum børnum stavar lítli vandin av kovid í stóran mun frá teirra íborna immuniteti. Í framløguni fyri FDA, vísti Pfizer á próvtilfar, har einastu andevnini, sum koppsetingin elvdi til millum børnini, var móti speikproteininum frá Wuhan-variantinum, eingi andevni móti omikron-speikinum vóru ávíst.

Á sama fundi varð góðkent at geva børnum Moderna koppsetingina, hóast fleiri lond hava steðgað koppseting við hesum evni til øll undir 30 ár vegna ov nógv hjáárin. Drúgva skjalið frá Moderna (189 tættskrivaðar síður) var ikki sent limunum fyrr enn tveir arbeiðsdagar áðrenn fundin.

Men hvussu við Pfizer dátunum, sum liggja til grund fyri avgerðini?

Kanningin sum er grundarlag undir góðkenningini fevndi upprunaliga um 4.500 luttakarar, men 3.000 av teimum vóru av ókendum orsøkum soldaðir frá, áðrenn kanningin endaði.

Trý mát vóru brúkt til tess at meta um virknað: samlað kovid (total covid), ‘álvarsamt’ kovid (‘severe’ covid) og innleggingar á sjúkrahús (hospitalisations).

Granskingin vísti, at har vóru 30% fleiri kovid-tilburðir millum tey koppsettu fyrstu tríggjar vikurnar eftir fyrsta prik, so hesi úrslit vóru ikki tikin við í viðgerðina. Granskararnir sóu eisini burtur frá tí, at eingin fyrimunur var at síggja eftir annað prik. Síðani ignoreraðu granskararnir eina heila viku eftir triðja prik eisini. Tilsamans vóru 97% av kovid-tilburðunum í kanningini ikki tiknir við. Til endans var denturin lagdur á 7 tilburðir í plasebo-bólkinum meira enn eina viku eftir 3. prik samanborið við 3 tilburðir millum tey koppsettu, og hetta var tað, páhaldini um virknað bygdu á.

Nevnd vóru eisini børn, sum fingu kovid tvær ferðir í tíðarskeiðnum. Tilsamans vóru 12 slík børn. 11 av teimum vóru koppsett áðrenn tey fingu seinna tilburðin.

Granskararnir skilmarkaðu sjálvir “álvarsligt kovid” sum øktan hjartasláttur ella títtari anding. Millum tey 2-4 ára gomlu vóru 6 tilburðir av álvarsligum kovid millum tey koppsettu (hóast tvey vóru koppsett eftir fyrst at hava fingið plasebo) og bara 1 úr plasebobólkinum. Hóast hesi tølini eru smá, so benda tey á, at koppsetingin meira sannlíkt økir um vandan fyri álvarsligum kovid, heldur enn at minka um hann.

Bara eitt barn var lagt inn á sjúkrahús við positivari kovidkanning. Hetta barnið var koppsett og bleiv innlagt við krampum. Hóast granskararnir hildu, at kramparnir høvdu samband við koppsetingina, so hildu tey hetta neyðars barn víðari í kanningini, og góvu tí enn eitt prik seinni.

Alt í alt var eingin minking í kovid (eingin statistiskt signifikantur munur var yvir alla kanningina, heldur ikki fyri ávísar undirbólkar); meira av álvarsligum kovid í koppsetta bólkinum og ein sjúkrahúsinnlegging í koppsetta bólkinum.

Eygað varð einans hildið við trygdini í 6 vikur, áðrenn avgjørt var at koppseta børnini í plasebobólkinum, og harvið oyðileggja møguleikan at fáa verulig langtíðar trygdardata. Trý børn fingu álvarsligan fepur, øll trý vóru í koppsetingarbólkinum.

Tað kann tykjast ótrúligt at hendan kanningin yvirhøvur fekk etiska góðkenning, tá havt verður í huga manglandi langtíðar trygdardátutilfarið viðv. hesum nýggja slagnum av viðgerð/koppseting, í einum aldursbólki, sum stórt sæð als ikki er í vanda fyri álvarsligari sjúku ella deyða vegna kovid. Ráðgevandi nevndin hjá FDA (Vaccines and Related Biological Products Advisory Committee) atkvøddi einmælt fyri at viðmæla at hesi koppingarevni fingu neyðgóðkenning. Neyðgóðkenning er annars ætlað í neyðstøðu til at fyribyrgja álvarsligan skaða ella deyða – hvussu kunnu tey halda, at hetta er viðkomandi fyri børn undir 5 ára aldur?

Sí eisini video við Dr. John Campell, har hann hyggur av góðkenningini

Kelda til hesa greinina:

Hartgroup.org FDA unanimously approve covid vaccine for 0-4 years - Unfathomable decision given the trial data

___

Hjálp okkum at halda arbeiðinum her á síðuni koyrandi. Flyt eina upphædd ella stovna eina fasta flyting á konto nr 9865 1039800 - allur stuðul er kærkomin.