Innanlands

Viðm. Her eru nøkur hugskot til landstýriskvinnuna

Landstýriskvinnan í heilsumálum, sum áður var ein av stjórunum á landssjúkrahúsinum, fer at kanna, hví so fá koppseta seg fyri koronu. Well, tá ið onkur hevur roynt at yvirselja eina vøru við falskari reklamu, so er truplari at fáa fólk at hoppa uppá tað sama kynstrið umaftur. Og jú ógvusligari tú hevur reklamerað við falskari reklamu, jú ógvusligari slær tað bakk.

2023-01-13 13:34

Jón Tyril

Eg datt fram á greinina við landsstýriskvinnuni og kundi ikki bara mær at leggja hesa lítlu viðmerking út á Facebook. Tú ert vælkomin at viðmerkja ella deila víðari.

Eg kundi havt skoytt uppí, at viðhvørt riggar tað at koma afturíaftur eftir falska reklamu. Tað gjørdi VW til dømis, eftir at bilmerkið varð avdúkað, at hava falsað tølini fyri útlát, og fingið tað at síggja út, sum bilarnir lótu nógv minni av luftdálking frá sær, enn teir í veruleikanum gjørdu. Men tá krevst, at tú viðurkennir tínar feilir og lovar bót og bata. So kann álitið í summum førum byggjast uppaftur, sum hjá VW.

Upprunaviðmerkingin ljóðaði soleiðis:

"Well, tá ið onkur hevur roynt at yvirselja eina vøru við falskari reklamu, so er truplari at fáa fólk at hoppa uppá tað sama kynstrið umaftur. Jú ógvusligari tú hevur reklamerað við falskari reklamu, jú ógvusligari slær tað bakk.

So kanska er tað tí at fólk hava funnið útav, at einki av tí, tit hava sagt síðani byrjan, passaði. At tey duga at síggja, at koppsetingin hvørki forðar fyri smittu ella sjúku av koronu. Kanska tey hava funnið útav, at natúrligur immunitetur er veruligur, eins og fólk hava vitað í túsundtals ár, hóast tit eitt tíðarskeið royndu at nokta fyri tí, til tess at fáa okkum at koppseta okkum.

Ella kanska kann tað vera, at summi (nokkso mong) sjálv eru vorðin sjúk ella kenna onkran, sum eru vorðin sjúk AV koppsetingini, sovorðni sum uppliva m.a. at autoimmunar sjúkur blussa upp, at tey fáa super høgt blóðtrýst, vandamikið høgan puls, óregluliga hjartarútmu, kenslu av elektriskum stoyti í húðini, ógvusligar bløðingar í sambandi við mánaðarligu ringrásina osfr?

Og tá hava vit ikki nevnt generelt niðursetta immunverju so tú hevur verri við at berja niður influensu og onnur krím og infektiónir, ella bara nakað so einfalt sum øktan møguleika at doyggja av hjartasteðgi.

Nei tað er ikki gott at vita...."

JT, ritstjóri á hinvegin.fo

***

Takk fyri at tú vitjar hinvegin.fo

Tú kanst eisini gera tín part fyri at hjálpa okkum at fáa meira upplýsandi tilfar út til føroyingar við at stuðla okkum við eini fastari flyting ella eingangs upphædd á konto nr 9865 1039800 - allur stuðul ger mun.

Vinarliga broyt tínar kennifíla - og privatlívsstillingar fyri at síggja hetta innihald