Jón Tyril
- Europa og USA standa fyri brennievnistroti so hvørt sum summarfrítíðin byrjar, segði stjórin í IEA við Der Spiegel
- Fatih Birol ávarar um trot á diesel, bensini, og petroliumi, og segði at núverandi orkukreppan er verri enn tann í sjeytiárunum.
- “Vit hava eina oljukreppu, eina gasskreppu og eina el-kreppu samstundis," segði hann.
Í USA kunnu vit fara at síggja brennievnistrot í summar, so skjótt sum fólk byrja at fara í summarfrí - og Europa kann verða hart rakt av manglandi veitingum, ávaraði stjórin fyri altjóða orkustovnin, IEA (International Energy Agency).
“Tá ið summarfrítíðin byrjar í Europa og USA, hækkar eftirspurningurin eftir brennievni,” segði Fatih Birol við Der Spiegel. “Tá kunnu vit fara at síggja trot — til dømis á diesel, bensini ella petroliumi, serliga í Europa."
Birol segði eisini við týska blaðið, at orkukreppan, sum nú er í gongd, verður verri, og fer at vara longri enn oljuprís sjokkini í sjeytiárunum, tí hendan trýstir á trimum hermótum.
“Tá snúði tað seg bara um olju,” segði hann í samrøðuni, sum varð givin út týsdag 31. mai. “Nú hava vit eina oljukreppu, eina gasskreppu og eina el-kreppu samstundis.”
Oljuprísirnir toppaðu í 1973 og 1979 tá ið Yom Kippur kríggið og Iranska kollveltingin steðgaðu ráoljuútflutninginum úr miðeystri. Geopolitiskar hendingar hava rakt marknaðin aftur í 2022, nú vestanlond seta handilsforðingar í verk ímóti Russlandi vegna innrásina í Ukraina.
Beint nú hækka olju-, gass- og elprísirnir báðumegin Atlantshavið, og elva til eina kreppu í kostnaðinum at lívbjarga sær.
Tað er meira sannlíkt at trot verður á brennievni um summari, tí fólk koyra meira í bili tá ið tey fara á ferð. Hetta fer væntandi at trýsta prísirnar enn meira uppeftir næstu mánaðirnar, segði Birol eisini.
Keldur:
Der Spiegel - Benzin, Diesel und Kerosin – kommt der Spritengpass im Sommer?
Vinarliga broyt tínar kennifíla - og privatlívsstillingar fyri at síggja hetta innihald