Jón Tyril
Inflatiónin í Týsklandi kann fara upp um 10% í heyst - og í so fall verður hetta hægsta inflatiónin í landinum í sjeyti ár — hetta segði tjóðbankastjórin, Joachim Nagel við Rheinische Post.
Viðmerkingarnar hjá Nagel, sum komu út leygardagin, fella júst eftir at russiski gassrisin Gazprom fríggjadagin boðaði frá, at neyðugt verður at steingja enn einaferð fyri gassinum í Nord Stream 1 rørleiðingini, sum sendir natúrgass til europa. Gazprom segði, at leiðingini tørvar viðlíkahald og má tískil steingjast frá 31. august til 2. september.
Fráboðanin frá Gazprom sendi gassprísirnar enn meira í loft. Framanundan hesum hevur Gazprom longu minkað um floymin av gassi til einans 20% av tí, sum leiðingin kann bera, sambært felagnum vegna tøkniligar trupulleikar í samband við at fáa lutir til viðlíkahald, sum vera steðgaðir av handilsforðingunum. Týskland, sum er sera bundið at russiskum gassveitingum, hevur lagt Russland undir at nýta gassveitingina sum vápn til tess at hevna fyri handilstiltøkini, sum vestanlondini, herímillum Týskland, hava sett í verk ímóti landinum. Týskir myndugleikar stúra fyri, at gassveitingin kann vera kvett fulkomiliga, tá mest tørvur er á orku í vetur.
Kelda: Markets Insider
Les eisini: Citi Bank: Inflatiónin í Stóra Bretlandi kemur upp á 18% í næsta ár
Vinarliga broyt tínar kennifíla - og privatlívsstillingar fyri at síggja hetta innihald